Es Mänsche-Päsl - alli zäme ferzelled
Das isch de fierti Täil fom Podcast "Wer isch Pfrau Fajferman gsi?"
Er isch am Pfingscht-Mèndig 10. Juni 2019 usecho. - Tduur: 26 Minute
Nämed Si zum Lose Chopfhörer! - Die Ufnaame sind nid us em Radioschtudio, es isch fil Dräck debii und Ggrüüsch sind au wichtig.
Abelade got läider nid.
Do got's zrugg zur Uswaal.
Aamerkige zum fierte Täil:
- Kchindergärtneri Wetzel isch au miini Chindergärtneri gsi. Si het nüt z'tue gha mit em Puur Wetzel.
- De Hansjakob Belser isch miin Fatter gsi.
- Jo, und schriibed Si mir, wenn Si öppis über Pfamilie Moser wüssed!
- De Werner Bischof, oise ehemalig Huuswart, isch 1926 (nid 1929!) gebore und 2016 gschtorbe.
- De Gottfried (nid Emil!) Spillmann isch 1970 gschtorbe.
- Pfrau Fajferman het de Joorgang 1917 gha und isch 1979 pensioniert worde. (Damals isch's für Pfraue no mit 62-i gsi!)
- Bis 1988 het das alte-n-Eherächt golte, wo gsäit het "Der Ehemann ist das Haupt der Gemeinschaft."
- Ändige und Längnau (= Endingen und Lengnau / AG) sind bis i s 19. Joorhundert di äinzige Gmäinde i de Schwiz gsi, wo sich Jode händ dörfe niderlo. E git dört e Synagoge, es jüdisches Altershäim und seer interessanti kulturelli Feraaschtaltige.
- ... und immer wider froged Tlütt: Wurum het sich Pfrau Fajferman umpbrocht?
D Antwort isch glaub i: Us unglücklicher Liebi zum falsche Ma.
Chaufed Si s Romänli!
Demit underschtützed Si de Podcast - und erfaared, wie mini Röschersche-n-usgange-n-isch!
Bschtelled Si's under: lorenz@mikroskoptheater.ch
Es choschtet 7 Franke, plus Porto.