S Muetti ferzellt
Das isch de zwoiti Täil fom Podcast "Wer isch Pfrau Fajferman gsi?"
Er isch am 27. Mai 2019 usecho. - Tduur: 30 Minute.
Nämed Si zum Lose Chopfhörer! - Die Ufnaame sind nid us em Radioschtudio, es isch fil Dräck debii und Ggrüüsch sind au wichtig.
Und nämed Si sich Zit, s Muetti ferzellt seer langsam und mit lange Pause.
Abelade got läider nid.
Do got's zrugg zur Uswaal.
Aamerkige zum zwoite Täil:
- S Muetti, das isch: D Agatha Belser-Doppler, mini Muetter.
- De Fatti oder de Hansjakob, das isch: De Hansjakob Belser, min Fatter, 1932 - 2009. Er isch Sekundarleerer in Änepbade gsi.
- Die Nichte mit em Noigebornige isch e ghäimnisfolli Figur. Underdesse ha-n-i e Lischte fo all dène Nichte, und die sind alli z'jung für die Rolle.
- Tschtägehuus-Grüüsch sind original, us de Höötalschtross 81 - 85 in Änepbade - no immer di gliiche wie damols! Au Ggländer-Grüüsch, wo do töned wie-n-en Gong, sind original.
- De Moser, wo si mit em ferhürotet gsi isch, het Johann ghäisse, de Soon Freddy, und Kkind fom Freddy suech i. - Wer wäis öppis über si?
Schriibed Si mir, wenn Si öppis wüssed!
- De Molermäischter het Spillmann ghäisse und isch 1970 gschtorbe.
- Königsfälde-n-isch di psüchiatrischi Klinik i de Region Bade / Brugg.
- ... und immer wider froged Tlütt: Wurum het sich Pfrau Fajferman umpbrocht?
D Antwort isch glaub i: Us unglücklicher Liebi zum falsche Ma.
Chaufed Si s Romänli!
Demit underschtützed Si de Podcast - und erfaared, wie mini Röschersche-n-usgange-n-isch!
Bschtelled Si's under: lorenz@mikroskoptheater.ch
Es choschtet 7 Franke, plus Porto.